Ætli þau máli yfir rauðar slettur?

Það væri nú aldeilis skemmtilegt, ef útrásar'víkingar' fengju þau til að mála yfir rauðu sletturnar sínar. En þeir eru kannski yfir það hafnir. Þeir láta líklega bara afskrifa þær.

Bjóða ókeypis þrif og viðhald

Nú vill fólk sko hafa forseta!

Fólk þarf að hugleiða hvort það vilji í raun hafa þennan forseta eða ekki, ef allt sem hann á að gera er að standa í vegi Alþingis þegar Facebook vill! Væri þá ekki nær að búa til flottari tegund af lýðræði?

 

Ég sé ekki mikið vit í því að tönnlast á því að koma þessum forseta af þegar fólk hangir á honum í hvert sinn sem það er ósammála fólkinu sem það kaus.

Bloggheimar loga vegna ákvörðunar forsetans

Nei.

Morgunblaðið er enn einn miðillinn sem fellur fyrir þessum vitleysingi. Ástæðan fyrir því að hann þarf að gefa út bók til að miðla boðskap sínum er sú að vísindin vilja ekkert með hann hafa.

http://quackwatch.org/06ResearchProjects/amen.html

Kaffi skaðar heilann

Myndarleg frétt

Slysið átti sér stað í skóla í Göttingen, tólf nemendur og einn kennari slösuðust þegar einn og hálfur lítri af saltpéturssýru sprakk við efnahvarf og skvettist yfir þá, auk þess sem þeir önduðu að sér eiturgufum sem við það mynduðust. Voru þeir fluttir á sjúkrahús, og ellefu nemendur til viðbótar til rannsóknar á annað sjúkrahús í grenndinni.

Slysið átti sér stað klukkan 6:30 að íslenskum tíma, skólinn var rýmdur og ellefuhundruð nemendur voru sendir heim.

Fréttin minnir á svipaðan atburð  2006, þá í Essen, þegar 29 nemendur fengu aðhlynningu í íþróttahúsi skólans eftir að glerílát með brómgasi brotnaði, nemandi fékk glerbrot í augað og eiturgufurnar ullu ógleði og vanlíðan.

http://de.news.yahoo.com/ap/20080602/twl-13-verletzte-nach-explosion-im-chemi-1be00ca.html

http://www.spiegel.de/schulspiegel/0,1518,439128,00.html

Sprenging í efnafræðistofu

Fátækir milljónamæringar

Hvernig eru fátæktarmörk reiknuð þarna? Hlutfall á normalkúrfu? Eða endurreikna þeir daglega peningalegt gildi fátæktar?

250 milljóna seðill

Landsvirkjun pirruð?

Fréttir dagsins hafa ekki farið vel í Landsvirkjun.

 http://ruv.is/heim/frettir/frett/store64/item204648/

 http://ruv.is/heim/frettir/frett/store64/item204566/

Landsvirkjun gagnrýnir fræðaþing um Urriðafossvirkjun

Fimmtán mínútur

Það má fátt annað úr þessu lesa en að presturinn sjái framboð Obama sem tækifæri til að koma áróðri sínum á framfæri. Það að Obama slíti á þau tengsl er öllum og geðheilbrigði þeirra fyrir bestu. Þá er bara að vona að presturinn fái ekki meiri athygli en hann hefur þegar þjáð okkur með.

Obama snýr baki við prestinum sínum

Áhugaverð líking

Sérstakt að þeir noti einmitt þau réttarhöld til samanburðar. Þau eru vel þekkt sem ósanngjarnari réttarhöld síðari tíma, "hefndarréttarhöld" bandamanna eftir aðra heimsstyrjöldina. Hinir sakfelldu fengu ekki að áfrýja ákvörðun dómaranna, en einn þeirra hafði áður tekið þátt í sýndarréttarhöldum í Sovétríkjunum. Auk þess voru dómarnir felldir samkvæmt réttarkerfi sem sérstaklega var skapað fyrir réttarhöldin. Að auki hafa Bandaríkjamenn hlotið gagnrýni fyrir hlálegar og handahófskenndar handtökur, oft byggða á grun einum, og þannig handtökur mikils fjölda saklausra manna. Svo ég spyr mig, við hverju eigum við að búast af þessum réttarhöldum?

Líkt við Nürnbergréttarhöldin

Hví ekki?

Hvers vegna ætti nokkurn tímann að banna konum að bera brjóst sín? Að mínu viti mætti leyfa hvers kyns nekt aðra en kynferðislega, svo sem var í Grikklandi (og ef til vill Róm, ef mig misminnir ekki) til forna. Þar máttu karlmenn til að mynda ganga um naktir, svo lengi sem getnaðarlimur þeirra var ekki í reisn. Nú veit ég ekki hvers lags reglur giltu um klæðaburð kvenna, en mér þætti óeðlilegt annað en að sömu reglur giltu um bæði kyn. Klæðnaður er að mínu viti ekki skjól fyrir öðru en kulda eða hita.

Þetta dæmi má taka skrefi lengra. Í stað þess að reisa þéttan múr reglna um jafnrétti kynja ætti frekar að taka úr allar kynbundnar klausur, og hafa einfaldar reglur um annað hvort afkasta- eða reglubundin laun, óháð aldri, kyni, þjóðerni eða vexti.

Lög eru einungis sett til að halda þjóðfélaginu gangandi og varna því að frelsi sé nýtt til óheiðarlegra eða frelsisskerðandi aðgerða. Ekki til að móta fólki lífsstíl.

Íslenskar konur mega bera brjóstin

Sunnudagsskólar?

Væri ekki heppilegt ef "þjóðkirkjan" drægi sig til hlés í skólum? Nú fer þeim sem ferma sig borgaralega sífjölgandi, fólki af erlendu bergi brotnu sömuleiðis. Það er óheppilegt að halda því fram að Alþingi "bregðist" kirkjunni ef það kemur henni ekki til aðstoðar, enda á Alþingi ekki að bera hagsmuni hennar fyrir brjósti heldur hagsmuni þegna sinna, Íslendinga, sem hafa margar aðrar trúarskoðanir en kristni.

Þeir foreldrar sem vilja að kristin gildi verði kennd börnum þeirra geta svo skráð þau í sunnudagsskóla. 

Guðni: Nú skal kennsluborðum kristninnar velt