Hvenær kallast svona spilling?

Á Landsvirkjun að fylgja lögum? Mega sveitarstjórnir ekki byggja ákvarðanir sínar á hugsjónum til framdráttar hagsmunum íbúa hreppa sinna, frekar en gróðafíkn (eða heimsku) Sjálfstæðisflokksins?

Ef þessi ákvörðun er byggð á "umhverfismatinu" og "áhættumatinu", sem bæði eru framkvæmd af Landsvirkjun, er lítið haldbært "frelsi" eða "lýðræði" á Íslandi.

Sveitarstjórn Flóahrepps samþykkir að auglýsa Urriðafossvirkjun

Athugasemdir

[Valgerður Halldórsdóttir, 15.11.2007 kl. 13:37]

Góðir punktar! En hvað varð um hugsjónir sveitarstjórnarinnar frá því í vor?

[Gunnar Th. Gunnarsson, 15.11.2007 kl. 14:26]

Fyrir nokkrum árum var aðal málið hjá umhverfissamtökum að framkvæmdir væru settar í umhverfismat. Nú er aðal málið að gera umhverfismöt tortryggileg og bendla þau við spillingu.

Er ekki rétt að kynna sér lög um umhverfismat og í hvaða ferli þau eru sett áður en notast er við svona áróðursaðferðir? Skoðið:

 http://www.eldhorn.is/hjorleifur/vett2007/Log_um_umhverfismat_%20aaetlana.pdf 

Í lögunum segir m.a.

Hlutverk Skipulagsstofnunar samkvæmt lögum þessum er:

a. að veita og gefa út leiðbeiningar um umhverfismat áætlana, umfang og nákvæmni

upplýsinga í umhverfisskýrslu og taka ákvörðun um hvort áætlun skuli háð ákvæðum

laga þessara um umhverfismat áætlana þegar vafi leikur á því,

b. að fylgjast með framkvæmd umhverfismats áætlana og taka saman skýrslu um

framkvæmdina til umhverfisráðherra á fimm ára fresti með það að markmiði að tryggja

gæði umhverfismats.

[Benjamín Plaggenborg, 15.11.2007 kl. 14:53]

Gunnar, ég veit að þú fyrirlítur umhverfisverndarsinna. Sem betur fer fyrir þig er ég ekki slíkur. Ég er einfaldlega rökhyggjumaður, og það stenst ekki að treysta beri hagsmunaaðila fyrir "hlutlausu" mati á framkvæmdum, og svo skaltu ekki segja mér að málið í Flóahreppi sé ekki hreinasta svívirða og spilling.

[Gunnar Th. Gunnarsson, 15.11.2007 kl. 16:15]

Það er alls ekki rétt hjá þér Benjamín að ég fyrirlíti umhverfissinna, en ég fyrirlít sumar þær aðferða sem ég hef séð beitt í áróðursstríði þeirra. Ég tel sjálfan mig og raunar næstum alla menn umhverfissinna.

í lögum um umhverfismat segir:

 [i. ]1) Matsskýrsla: [Skýrsla framkvæmdaraðila um mat á umhverfisáhrifum fyrirhugaðrar framkvæmdar og starfsemi sem henni fylgir ásamt tillögum um mótvægisaðgerðir eftir því sem við á.]1) Framkvæmdaraðili ber ábyrgð á gerð matsskýrslu.

Lög um umhverfismat HÉR

[Benjamín Plaggenborg, 15.11.2007 kl. 17:28]

Hversu eðlilegt sem löggjafanum þykir þetta má vel benda á að málið vekur í minnsta lagi grunsemdir. Til dæmis hafnaði Landsvirkjun boði Walters Schmidt í Skálmholtshrauni um óháðar jarðfræðirannsóknir. Ég treysti Landsvirkjun ekki fyrir framkvæmdinni, og ég skil ekki efaleysi þitt varðandi réttmæti framkvæmdarinnar. Þú getur lesið þér til um mína hlið málsins hér, hér og hér.